Азат Перуашев: «Асқар Садықовтан құтылдық»

«Ақ жол» партиясының төрағасы Азат Перуашев тілшімізге экс-депутат Асқар Садықовты партиядан неге шығарғанын түсіндірді. Ол қылмыстық істі күтпей-ақ, шығарғандарын айтты, деп хабарлайды Orda.kz.

«Біз, саяси партия ретінде тәртіп мәселесіне назар аудардық. Ұйымның «еті тірі» болып, жұмыс істеп тұруы керек. Онда тәртіп болуға тиіс», — деп сөз бастады Азат Перуашев.

Перуашев партия кез келген қылмыстық істің болуын күтпей, Садықовтың іс-әрекеттері туралы ақпарат алған сәтте одан дереу «құтылу» туралы шешім қабылдағанын айтты. 

«Ол депутат ретінде білгенімді істеуге құқым бар деп ойлады. Жақсы, біз оны босатып жібердік. Енді өзі үшін жұмыс істесін және дұрыс деп ойлағанын істесін», — деді партия төрағасы.

Еске сала кетсек, Асқар Садықов қызметкеріне харрасмент жасады деп айыпталған болатын. Whatsapp-тағы хаттар әлеуметтік желілерге тарап кетті.

Бұл жағдайдан соң қызметкер арыз жазған болатын.

Содан соң 5 қыркүйекте болған оқиғаға қатысты өз нұсқасын «Ақ жол» партиясынан шығарылған мәжілісмен Аскар Садықов айтты.

Өзінің бейнеүндеуінде ол сексуалдық зорлық-зомбылық бойынша айыптарды жоққа шығаруға тырысып, партия жетекшісі Азат Перуашевты айыптады.

«Ол, бәлкім, өзінің орынбасарының Ұлттық гвардия генералына пара бергені туралы жаңалықтарды қадағалап, ақпаратты бұрмалаймын деп шешкен шығар. Мені өздеріңнің лас ойындарың мен манипуляцияларыңа қоспаңыздар. Мен үндемей қалмаймын. Мұндай мәлімдеме партия жетекшісінің деңгейіне сай емес. Соның өзінде Азат Перуашев халықты бірнеше рет адастырды», — деді Асқар Садықов.