Азат Күмісбай дзюдодан жасөспірімдер арасындағы әлем чемпионатында қола жүлдегер атанды

 Қазақстандық дзюдошы Азат Күмісбай Душанбеде өтіп жатқан жасөспірімдер арасындағы әлем чемпионатында қола медаль жеңіп алды, деп хабарлайды ҚР Ұлттық Олимпиада комитетінің (ҰОК) баспасөз қызметі.

«Қазақстандық дзюдошы Азат Күмісбай Душанбеде (Тәжікстан) өткен жасөспірімдер арасындағы әлем чемпионатында үшінші орын алды» делінген хабарламада.

Спортшы 81 келіге дейінгі салмақта өнер көрсетіп, қола жүлде үшін шешуші белдесуде тәжік дзюдошысы Сунатулло Мусовевті жеңді.

Бұл еліміз үшін осы чемпионаттағы екінші «қола». Бұған дейін 60 келі салмақ дәрежесінде сынға түскен Талғат Орынбасар үшінші орын алған болатын.