Қазақстан шенеуніктері екі жыл шетелдік қағазсыз қалады

Сыртқы істер министрлігінің Индустриялық даму комитетінде Қазақстанның мемлекеттік құрылымдарын екі жыл бойы шетелдік қағазсыз қалдыру ұсынылды.

Жоба «Ашық НҚА» порталында жарияланды және 18 тамызға дейін қоғамдық талқылауға жіберілді.

Шетелдік өндірістің А3 және А4 форматындағы қағазын мемлекеттік сатып алуды шектеу ұсынылады. Яғни, екі жыл бойы мемлекеттік мекемелерге бұл өнімдерді тек отандық өндірушілер ғана жеткізуі керек.

Қаулы жобасының түсіндірме жазбасында мұндай шараның ішкі нарықты қорғауға, ұлттық экономиканы дамытуға, қазақстандық тауар өндірушілерді қолдауға және қағаз өндірісін арттыруға мүмкіндік беретіні айтылған.

«Күтілетін нәтижелер – өндіріс көлемінің ұлғаюы, жаңа өндірістердің ашылуы және жұмыс істеп тұрғандарын жаңғырту, қосымша жұмыс орындарының ашылуы, қаулыны орындау кезеңінде бюджетке салық түсімдерінің ұлғаюы» делінген құжат түсіндірмесінде.

«Атамекен» ҰКП сайтында жарияланған отандық өндірушілердің, тауарлар мен қызметтердің тізіліміне сәйкес, қазір Қазақстанда А4 форматындағы қағаз шығарумен төрт ЖШС айналысады.