Қазақстан мен Ресей арасында 20 жаңа шекара бекеті салынып жатыр

ҰҚК Шекара қызметі шекарасын қорғау департаменті бастығының бірінші орынбасары Серік Ахметқалиев Қазақстан шекарасындағы жаңа шекара бекеттері құрылысы туралы айтты. 

Ахметқалиевтың айтуынша, жаңа шекара бекеттерінің құрылысы «қауіпсіз ел»  ұлттық жобасы бойынша жүргізіліп жатыр.

«Қазіргі уақытта Ресей Федерациясымен байланыстыратын тікелей шекараның солтүстік бағытында 20 шекара бөлімшесінің құрылысы жүріп жатыр. Оңтүстік шекарада үш модульдік бекет құрылысы жүріп жатыр» деді Ахметқалиев орталық коммуникациялар қызметінде өткен брифингте. 

Оңтүстік бағытта тағы үш модульдік шекара бекеті салынып жатыр. Ахметқалиев соңғы аталған шекара бекеттерінің дәл қай мемлекетпен жалғайтын шекарада екенін нақтылаған жоқ.