Қазан айында Нұр-Сұлтанда орыс мәдениеті күндері өтеді

Қазақстандағы орыс халқының мәдениеті күндері 15-22 қазан аралығында Нұр-Сұлтан қаласында өтеді. Бұл туралы республиканың Мәдениет және спорт министрі Ақтоты Райымқұлова ШЫҰ-ға мүше мемлекеттердің мәдениет министрлерінің XVIII кеңесі барысында мәлімдеді.

Бұл туралы Orda.kz хабарлады.

Мәдениет күндері аясында Қазақстанның Ұлттық музейінде Вологда мемлекеттік тарихи-сәулет-көркем мұражай-қорығының «Вологда шілтері» көрмесін өткізу жоспарлануда.

15 қазанда Қазақ мемлекеттік симфониялық оркестрі, «Қазақстан» орталық концерт залында ресейлік жетекші солистердің қатысуымен гала-концерт (З. Гугкаев - дирижер, А. Аглатова - сопрано, П. Шамаева - меццо-сопрано, А. Яковлев - тенор және т.б.) өткізіледі.

2021 жылдың қыркүйек айында Қырғыз Республикасының астанасында Бішкекте Қазақстанның мәдениет күндері өтеді. Оның аясында кино күндері, көрме, гала-концерт, «Абай» операсын қою және т.б. ұйымдастыру жоспарлануда.

Министр сондай-ақ, Қазақстан Ресеймен Мемлекеттік кино қорында сақталатын қазақ фильмдерін цифрландыру тұрғысында ынтымақтастықта екенін айтты.