Азаматтық авиация комитеті  бірнеше рейстің кешігуіне байланысты зерттеу жүргізеді

Жолаушылар құқықтарын бұзу фактілері анықталған жағдайда әуе компаниялары әкімшілік жауапкершілікке тартылады.

ҚР ИИДМ-не қарастыАзаматтық авиация комитеті көптеген  рейстердің кешігу фактілері бойынша тексеру жүргізеді, деп хабарлады комитет.

 «Эйр Астана және FlyArystan әуе компанияларының Алматы – Мале, Нұр-Сұлтан – Ташкент және Алматы – Қостанай, сондай-ақ басқа да бағыттар бойынша рейстерінің кешігу фактісіне орай, әлеуметтік желілердегі жолаушылардың көптеген өтініштеріне байланысты Азаматтық авиация комитеті мен Қазақстанның Авиация әкімшілігі тиісті тексеру жүргізеді.Рейстерді кешіктіру және тоқтату кезінде жолаушылардың құқықтарын бұзу фактілері анықталған жағдайда авиакомпаниялар әкімшілік жауапкершілікке тартылады»  делінген хабарламада.

Аталған  рейстердің жолаушылары cc@caakz.kz электронды поштасына жазбаша өтінішпен жүгінулері қажет.

Азаматтық авиация комитеті тасымалдаушының кінәсінен рейс кешіктірілген немесе тоқтатылған жағдайда қолданыстағы заңнамаға сәйкес, жолаушыларға, ана мен балаға тегін бөлме, рейсті екі сағат күткен кезде алкогольсіз сусындар, ыстық тамақ,  төрт сағат күткен жағдайда және  одан кейін де күндіз әр алты сағат сайын қонақ үйде тұру,ішіп-жемін және әуежайға қайтаруды қаматамасыз етуі тиіс.