«Азаматтарға арналған үкімет» мекемесі филиалының директоры ұсталды

«Азаматтарға арналған үкімет» филиалының директоры ұсталды, деп хабарлайды  Orda.kz. ҰҚК баспасөз қызметіне сілтеме жасап.

2023 жылғы 27 шілдеде Ұлттық қауіпсіздік комитетінің Абай облысы бойынша департаменті Экономикалық тергеу департаментімен бірлесіп және облыс прокуратурасының келісуімен «Азаматтарға арналған үкімет» мемлекеттік корпорациясы филиалының директорын ұстады. 

«Ол Қылмыстық кодекстің 366-бабының 2-бөлігі («Аса ірі мөлшерде пара алу») бойынша сыбайлас жемқорлық құқық бұзушылық жасады деген күдікке ілінді. Ұсталған азамат Семей қаласындағы уақытша ұстау изоляторына қамалды» деп мәлімдеді ҰҚК баспасөз қызметі.

Қылмыстық-процестік кодекстің 201-бабына сәйкес өзге мәліметтер жария етуге жатпайды.

Еске салайық, 2022 жылдың соңында Антикор Астана қаласы прокуратурасымен бірлесіп, «Азаматтарға арналған үкімет» КЕАҚ қызметкерлері мен басқа да тұлғалардан құралған ұйымдасқан қылмыстық топтың әрекетінің жолын кесу туралы хабарлаған болатын. Қылмыскерлер шетелден әкелінген көліктерді алымсыз,  заңсыз тіркеумен айналысқан.