Азамат Сатыбалды Мүсірепов атындағы театр басшылығынан босатылды

Ғабит Мүсірепов атындағы Қазақ мемлекеттік академиялық балалар мен жасөспірімдер театрының директоры болып Есеналиев Талғат Қамқабайұлы тағайындалды. Оны министр Дәурен Абаев таныстырды.

Бұған дейін бұл қызметті Азамат Сатыбалды атқарған.

«Алматы қаласына жасаған іс-сапар барысында Ғабит Мүсірепов атындағы Қазақ мемлекеттік академиялық балалар мен жасөспірімдер театрына бардым. Театрдың жұмысымен танысып, Есеналиев Талғат Қамқабайұлын аталған мәдени нысанның директоры қызметіне тағайындадым. 

Бүгінге дейін осы театрдың ілгерілеп, дамуына айтарлықтай еңбек сіңіргені үшін Сұрапбаев Азамат Сатыбалдыұлына алғысымды білдіремін. Ал Талғат Қамқабайұлына алдағы жауапты қызметте сәттілік тілеймін» деді Абаев өз парақшасында.

Айта кетсек, Азамат Сатыбалды бұл қызметті 2018 жылдан бері атқарып келеді.

Ал театрдың жаңа директоры Талғат Қамқабайұлы 2016 жылдан бастап Алматы Мемлекеттік қуыршақ театрының директоры қызметін атқарған.