Азамат Панбаев Қазақстанның өнеркәсіп комитетін басқарды

Азамат Панбаев индустрия және құрылыс министрлігінің өнеркәсіп комитетін басқарды.

Бұл туралы үкіметтің баспасөз қызметі хабарлады.

«Қазақстан Республикасы Индустрия және құрылыс министрінің бұйрығымен Азамат Серікұлы Панбаев Қазақстан Республикасы Өнеркәсіп комитетінің төрағасы болып тағайындалды» делінген хабарламада.

Панбаев 2023 жылдың мамыр айынан бастап Индустрия және инфрақұрылымдық даму министрлігі Индустриялық даму комитетінің төрағасы болып жұмыс істеді, оған дейін 2022-2023 жылдары Қаржы министрлігі Мемлекеттік кірістер комитеті төрағасының орынбасары, одан бұрын – 2019 жылы – 2022 жылы Қаржы министрлігі Мемлекеттік кірістер комитетінің Талдау, статистика және тәуекелдерді басқару департаментінің директоры болды.