Қазақ қызы Қытай студенттері арасынан үздік болып танылды

Үш ай бұрын Қытайдың Президенттік стипендиасын  иеленген қазақ қызы  енді үздік студент атанып отыр. Бұл туралы ол өзі әлеуметтік желідегі парақшасында сүйіншілей жариялады.  

Мақтанышқа ие болып отырған Жаннұр Ниязбекова1990 жылы Қызылорда облысында туған. Ол бүгінде Қытайдағы  солтүстік-батыс ауыл шаруашылығы және орман шаруашылығы университетінің  (Northwest A&F University) ветеринарлық медицина мамандығы бойынша докторантурада оқып жатыр.

Әлемдегі ең халқы көп елдер санатына жататын мемлекетте үздік атану екінің бірінің қолынан келе бермейтіні анық. Мұндай жоғары дәрежеге жетудің  қиын екенін ол өзі де мойындайды. Парақшасында жетістігінің  көп еңбектің нәтижесі екенін де жазды.

– Мен Қытайға алғаш келгенде Пәкістаннан келген бір жігіт осы атақты алды. Сол кезде мен қазақстандық студенттерден мұндай сыйлықты ешкім алмағанын естідім. Екі жылдан кейін міндетті түрде бірінші боламын деп шештім. Бұл бүкіл қазақ халқының жеңісі! Туған жеріме рақмет, деп жазды  Жаннұр.

Университеттен елдегі үздік студент атағына жеті адам ұсынылған. Олардың екеуі, яғни Жаннұр мен  Бангладештен келген  студент жеңіске жетті.