Қазақ-қытай шекарасы қашан ашылады? - вице-министр жауап берді

ҚР Сауда және интеграция вице-министрі Ержан Қазанбаев Қытайдың шекарасы неге жабық екенін түсіндірді.

Оның айтуынша, негізгі себеп – коронавирус бойынша тұрақсыз эпидемиологиялық жағдай.

– Келіп жатқан тауарды екі есе, кейде үш есе тазалау процесі жүреді. Осының салдарынан тауарлар шекарада ұзақ тұрып қалады. Бизнесімізге көмектесу үшін біз қытайлық серіктестерімізбен үнемі келіссөздер жүргіздік. Біз белгілі бір нәрселер бойынша тауарларымызды мүмкіндігінше тезірек жеткізу үшін келісімге келуге тырысып жатырмыз. Әлемдегі COVID-19 жағдайы бір қалыпқа келгенше, шекара жабық болуы мүмкін, - деді Ержан Қазанбаев Орталық коммуникациялар қызметінде өткен брифингте.

Оның айтуынша, әлемдегі эпидемиологиялық жағдай жақсара салысымен Қытай шекарасын қайта ашады.