Қазақ-қырғыз шекарасынан 16 млн теңгенің күміс бұйымдарын алып өтпекші болған

21 тамызда қазақ-қырғыз шекарасында контрабандалық жүк ұсталды.

Бұл туралы Orda.kz хабарлады.

ҚР ҰҚК баспасөз қызметінің хабарлауынша, Қарасу автокөлік өткізу бекетінің шекарашылары Mercedes-Benz көлігін тексеру кезінде орындықтың астынан сейф тауып алған.

– Полиэтилен пакеттерге оралған күмістен жасалған заттар болды. Брикеттердің жалпы салмағы 50 кг 516 г құрады. Өнімнің алдын ала сметалық құны 16 млн теңге, - деп хабарлады ведомство.

Ұсталған азамат пен контрабандалық жүк одан әрі процессуалдық әрекеттер жасау үшін Жамбыл облысы бойынша экономикалық тергеу департаментіне берілді.