Қазақтарды елден кетуге шақырған адам ұсталды

Жезқазған қаласында қазақтарға дөрекі түрде өз елінен кетуді ұсынған азамат ұсталды.

Толығырақ Orda.kz сайтында.

— Полиция қызметкерлері 26 сәуірде әлеуметтік желілерге мониторинг жүргізу барысында ҚР ҚК-нің 174-бабында (ұлттық араздықты қоздыру) көзделген қылмыс құрамының белгілері байқалған ер адамның бейнежазбасын тапты. Полиция қызметкерлері видео авторы – Жезқазған қаласының тұрғынын анықтап, ұстады. Сотқа дейінгі тергеу басталды. Тиісті сараптамалар тағайындалды, - деп хабарлады Қарағанды облысы полиция департаментінің баспасөз қызметі.

Бұған дейін әлеуметтік желілерде бейне хабарлама тараған болатын. Онда әскери камуфляждағы ер адам қазақтардан Қазақстанан кетуді талап еткен болатын. Бейне кейіпкері қазақтарға қатысты ұсынысын өте дөрекі сөздермен тұздықтап отырды.

— Мен желіге тарап кеткен видео үшін кешірім сұраймын. Мұны ойланбай жасадым. Видео ғаламтор желісінде тарап кеткенін қаламадым. Сіздерден кешірім өтінемін. Менің қазақ достарым бар, біз бір-бірімізді құрметтейміз, бір-бірімізге қысым жасамаймыз. Кешірім сұраймын, - деді полиция ұсынған жаңа видеода жанжалды роликтің авторы.