«Қазақтар сені сатып кетті»: Әсел Айтпаева ісіндегі жаңа мәліметтер
Грузияда қайтыс болған 26 жастағы қазақстандық бойжеткеннің әкесі полицияға арыз жазды, осылайша олардың туысы Мұрат Мейрбеков жауапқа тартылатын болды.
Бұл туралы марқұмның ағасы Orda.kz тілшісіне айтты.
12 мамырда Әселдің денесі туыстарына тапсырылды. Қыз Қабанбай батыр атындағы туған ауылында жерленеді. Ауыл Нұр-Сұлтаннан жарты сағаттық жерде орналасқан.
Ауыл тұрғындары Айтпаевтар отбасындағы қайғылы жағдай туралы біледі.
– Сіздер мәйітті әкелдіңіздер ме? - деп сұрады олар журналистен. «Көңіл айтуым керек еді». Олар ары қарай сұрамады, «барлығын YouTube-тен көріп алған».
Мәйітті әкесінің үйіне жеткізді. Көршілері, достары мен туыстары көңіл айтуға келді. Әселдің артында ата-анасы, үлкен әпкесі және он алты жастағы мектепте оқитын інісі қалды.
Бізді қарсы алуға Әселдің немере сіңлісі Айман Айтпаева шықты. Грузияға кетер алдында марқұм онымен Нұр-Сұлтанда бірге тұрған.
Көңілді, тәкаппар, батыл, тіке сөйлейтін Әсел өтірікке төзбейтін, ол сәл «еркекшоралау» болатын, - деп еске алды Айман. Тұрмысқа шығып, бала сүйгісі келді.
Ол елордалық фитнес-клубта жұмыс істеді.
– Әрқашан биіктен көрінуге тырысатын. Бастық болып, шетел асып, өмір көргісі келді. Сол кезде аяқ-астынан осындай мүмкіндік пайда болып, туысы шетелге шақырды! Сондықтан ол Грузияға баруға бірден келісті. Ал жұмыс ұсынған сыныптасы да туысымыз.
Туыстары сол екі апта ішінде Әселдің қандай жағдайда болғанын нақты білмейді. Олар адам шошырлық мәліметтерді кейінірек білді. Нұсқалардың біріне сәйкес, Әсел Мұрат Мейрбековпен бірге Рустави қаласында тұрған. Мұрат оны екі күн қорлап, зорлық көрсетіп, артынша досына сатып жіберген.
– Грузиялық Бесо Әселмен сөйлесіп тұрған аудиожазбада ер адам «Қазақтар сені сатып кетті» деп айтады. Толық мәліметтер Грузияда тексеріліп жатыр. Қазір жаңа жағдайлар анықталуда. Бізге бір қыз хабарласып, Мұрат оған да Грузияда жұмыс ұсынғанын айтты, бірақ ол бас тартқан, - деді туысы.
Мейрбеков Грузиядан қайтып кеткен, ол Қазақстанда болуы мүмкін. Әсел Айтпаеваның туыстары оның қазіргі орналасқан жері туралы білмейді. Ер адам олармен байланысқа шығып, мән-жайды түсіндіруге немесе кешірім сұрауға тырыспады.
– Мұраттың ата-анасы келгісі келді, бірақ біз оларды көргіміз келмейтін жағдайға жеттік. Мұрат бізге алыс туыс, неге оны жақын туысы деп жазатындарын түсінбедім. Ол оңтүстіктен. Мұрат пен оның әйелі Нұр-Сұлтанда тұрады, ал олардың туыстары осы ауылда, - деді Әсел Айтпаеваның бауыры Мадияр Айтпаев.
Алдымен туыстары қайғылы оқиғаға Мейірбековті кінәлайды. Әселдің әкесі Мұратты «жазасыз қала ма» деп қорқып, полицияға арыз жазды. Марқұмның туыстары Мейрбековті Грузияға депортациялауды талап етуде.
Авторы: Аделаида Ауеспекова
Аударған: Айнұр Дәрібаева
Жаңалықтар
- Теледидарлар мен ноутбуктер айтарлықтай қымбаттады
- Археология ғылымының атасы Әлкей Марғұланның 120 жылдығы
- Голан биіктеріндегі қазақстандық бітімгерлердің жалақысын БҰҰ төлейді
- Жезқазғанда арнайы жасақ қарулы жүргізушіні ұстады
- Еліміздегі су тасқынынан зардап шеккендерге 8,5 млрд теңге төленді
- Президент Әкімшілігінің басшысы мемлекетке қайтарылған заңсыз мүліктің қайда жіберілетінін айтты
- Атырау облысында төртінші күннен бері қорғаныс бөгеттері «көп суды» ұстап тұр
- Мемлекеттен 1,5 миллионға жуық қаржы тегін беріледі
- Қазақстанның 12 қаласында жылу желілері 60%-дан 91%-ға дейін тозған
- Сәуір айында жаңа баспананың бағасы төмендеді
- БҰҰ Бас ассамблеясы палестиналықтардың ұйымға мүшелігін мойындады
- Балқашта 9 мамырды тойлау кезінде таңғаларлық оқиға болды
- Алматыда жаңбыр жауады: Қазгидромет салдары болуы мүмкін екенін ескертеді
- Қазақстанда несиеге тәуелділікпен күрес әлі нәтиже бермей отыр
- Сербия Қазақстанға 1 млн еуро беріп, көмектесті
- Ақтауда газ құбыры жарылды
- Құрылыс және сәулет басқармасының басшысы пара алғаны үшін 3,5 жылға сотталды
- Қазақстанда алғаш рет әйелдер экипажы ұшты
- Қазақстанда жол көлік оқиғаларынан кейін техникалық байқаудың күшін жою ұсынылды
- Тоқаев «Экономиканы либеразациялау шаралары» туралы жарлыққа қол қойды