Қазақстанның ЖОО-да 2022-2023 оқу жылына арналған білім гранттарының тізімі жарияланды

2022-2023 оқу жылына жоғары білім берудің барлық деңгейлері үшін білім беру гранттарын бөлу тізімі жарияланды, деп хабарлайды Ғылым және жоғары білім министрлігінің баспасөз қызметі.

Ең көп грантты «Машина жасау, өңдеу өнеркәсібі, құрылыс индустриясы» білім беру бағдарламалары тобы алды, олардың саны 17 794 грант. Одан әрі «Педагогикалық ғылымдар» – 10 810 грант, «Ақпараттық-коммуникациялық технологиялар» – 9 103 грант, «Жаратылыстану-математика және статистика» – 6 288 грант. Техникалық салаларға ерекше назар аударылды, онда мемлекеттік тапсырыстардың үлесі 60%-ға дейін ұлғайтылды.

Халықтың әлеуметтік осал топтарындағы балаларға арналған квоталар саны ұлғайтылды. Көп балалы немесе толық емес отбасылардың балалары, сондай-ақ отбасында ерекше қажеттіліктері бар балаларды тәрбиелеп отырған үміткерлер грант алу мүмкіндігіне ие болады.

Биыл мемлекет басшысының тапсырмасы бойынша алғаш рет білім беру грантының жаңа түрі – «Халықтың тығыз орналасқан және батыс өңірлері жастарының жетекші жоғары оқу орындарында оқуға арналған мақсатты білім гранты» анықталды. Атырау және Маңғыстау облыстарынан 10 мың талапкер жоғары оқу орындарында оқуға мақсатты грантқа ие болады. «Атырау-Маңғыстау нысанасы» гранты бойынша конкурсқа биылғы мектеп түлектері қатыса алады. Бұл ретте олар бір мезгілде жалпы конкурсқа, оның ішінде «Серпін» бағдарламасы бойынша қатыса алмайды.

Магистратураға түсуге 13 мыңнан астам грант, докторантураға түсуге 1800-ден астам грант бөлінген.

2022-2023 оқу жылына арналған білім беру гранттарын бөлудің толық тізімі ҚР Білім және ғылым министрлігі Ұлттық тестілеу орталығының сайтында келесі сілтемелер бойынша жарияланған:

Бакалавриат http://testcenter.kz/ru/press-tsentr/novosti/?ELEMENT_ID=5115

Магистратура http://testcenter.kz/ru/press-tsentr/novosti/?ELEMENT_ID=5117

Докторантура http://testcenter.kz/ru/press-tsentr/novosti/?ELEMENT_ID=5119