Қазақстанның жеті облысында күн суытады

Синоптиктер еліміздің жеті облысында қолайсыз ауа райына байланысты ескерту жариялады, деп хабарлайды Қазгидромет.

9 желтоқсанда Ақмола облысының кей жерлерінде бұрқасын соғады. Оңтүстік-батыстан жел соғады, кей жерлерде күші 15-20 м/с жетуі мүмкін.

Ертең Нұр-Сұлтан қаласында бұрқасын соғуы ықтимал.

9-10 желтоқсанда Қарағанды облысының кей жерлерінде тұман түсіп, жаяу бұрқасын соғуы мүмкін.

9 желтоқсанда Шығыс Қазақстан облысының кей жерлеріне күндіз қалың қар жаууы мүмкін. Кей жерлерде тұман түсіп, боран соғады. Оңтүстік-батыстан жел тұрып, күші кей аумақтарда 15-20 м/с жетеді.

9 желтоқсанда түнде Маңғыстау облысының солтүстігінде қатты аяз тұрады, минус 22°С дейін жетеді.

9-10 желтоқсанда Жамбыл облысында кей жерлерде тұман түсуі мүмкін.

9-10 желтоқсанда Таразда тұман.

9 желтоқсанда Батыс Қазақстан облысының кейбір жерлерінде тұман түседі.

9 желтоқсанда Павлодар облысында қар жауып, жаяу бұрқасындатады. Түнде батыстан секундына 15-20 метр жылдамдықпен жел соғады.