Қазақстанның жеті облысында дауылды ескерту жарияланды

Қазақстанның жеті облысында дауылды ескерту жарияланды. «Қазгидромет» РМК 10 ақпанға ауа-райы болжамын ұсынды.

Қызылорда облысында тұман күтіледі.

Солтүстік Қазақстан облысында синоптиктер қарлы боран болады деп болжауда.

Қарағанды ​​облысының кейбір аудандарында бұрқасын, ал қалған жерлерінде тұман болжанды. Оңтүстік-батыс пен батыстан соғатын желдің жылдамдығы секундына 20 метрге дейін жетеді.

Ақмола облысында кей жерлерде бұрқасын болады. Солтүстік-батыстан, батыстан соққан жел секундына 15-20 метр.

Батыс Қазақстан облысында «Қазгидромет» РМК мәліметтері бойынша тұман, қарлы боран, көктайғақ болады. Оңтүстік-шығыстан, шығыстан соққан жел, күндіз екпіні секундына 20 метрге дейін жетеді.

Атырау облысының кейбір аудандарында тұман мен көктайғақ болады деп болжанды. Оңтүстік-шығыстан жел секундына 20 метр жылдамдықпен соғады. Атырауда жел секундына 18 метрге дейін күшейеді.

Маңғыстау облысында, оның ішінде Ақтауда тұман түсіп, көктайғақ болады деп күтілуде.