Қазақстанның тумасы АҚШ-та жоғары лауазымға тағайындалады – БАҚ

АҚШ президенті Джо Байден Қазақстанның тумасы Корнелл университетінің банктік құқық кафедрасының профессоры Сәуле Омарованы АҚШ банк секторының негізгі реттеушісі болып табылатын валютаны бақылау кеңсесінің (OCC) басшысы етіп тағайындауға ниетті.

Бұл туралы Orda.kz хабарлайды.

Ақпарат құралдарының хабарлауынша, Омарованың ресми кандидатурасы осы аптада ұсынылуы мүмкін. Егер бұл қызметке мақұлданса, Қазақстанда туған Сәуле 1863 жылы құрылған қаржы реттеу қызметін басқарған бірінші әйел болады. Байденнің таңдауын прогрессивті демократиялық заңгерлер мақұлдайды деп күтілуде.

Осы жылдың тамыз айында американдық БАҚ Ақ үй әкімшілігі Сәуле Омарованың кандидатурасын зерттеп жатыр деп хабарлады.

OCC - АҚШ Қаржы министрлігінің тәуелсіз бөлімі. Реттеуші активтері 14 триллион долларды құрайтын 1200-ге жуық банкті бақылайды, бұл елдің банк жүйесінің барлық активтерінің үштен екісі.

Сәуле Омарова - Корнелл университетінің банктік құқық профессорының міндетін атқарушы, Мәскеу мемлекеттік университетін (1989), Висконсин университетін (1999) және Солтүстік -Батыс университетін (2001) бітірген. Ол қазақ, орыс және ағылшын тілдерін біледі.