Қазақстанның төрт облысында жолдар жабылды

Қазақстанның төрт облысында ауа райының қолайсыздығына байланысты республикалық маңызы бар жолдар жабылды, деп хабарлайды «ҚазАвтоЖол» АҚ баспасөз қызметі.

Еліміздің бірнеше өңірінде ауа райының нашарлауына байланысты көліктің барлық түрлері үшін қозғалыс шектелгені хабарланды.

Ақмола облысы:

13 наурызда сағат 09.00-де ауа-райының нашарлауына байланысты (қар, боран, көрінудің төмендеуі) жолдарда көліктің барлық түрлері үшін қозғалыс шектелді:

«Екатеринбург-Алматы»  1291-1353 шқ, Қарағанды ​​облысы, Жібек-Жолы ауылындағы  «ҚазАвтоЖол» ҰК» АҚ ақылы автомобиль жолдары дирекцияларының учаскесі,  «Екатеринбург-Алматы» 1275-1291шқ, Нұр-Сұлтан қаласына қарасты Жібек-жолы ауылы аумағы.

13 наурызда сағат 10.30-да ауа райы жағдайының нашарлауына байланысты (қар, бұрқасын, көрінудің шектелуі) «Екатеринбург-Алматы» 1003-1247  шқ, «Атбасар-Нұр-Сұлтан, Нұр-Сұлтан-Ерейментау-Шідерті»  16-200 шақырымындағы  жолдарда көліктің барлық түрлері үшін қозғалыс шектелді.

13 наурыз сағат 10.25-те «Нұр-Сұлтан-Петропавл»  18-231 шқ, «Нұр-Сұлтан-Шортанды» жолдары бойындағы  «ҚазАвтоЖол» ҰК» АҚ ақылы автомобиль жолдары дирекцияларының учаскесі жабылды.

ШҚО:

13 наурызда сағат 09.10-да ауа райы жағдайының нашарлауына байланысты (боран, көрінудің шектелуі) «Алматы-Өскемен»  автожолының 778-967 шқ, Аягөз ауылы Қалбатау учаскесінде  жүк және қоғамдық көліктердің қозғалысына шектеулер енгізілді.

Қарағанды ​​облысы:

13 наурызда сағат 09.00-де ауа райы жағдайының нашарлауына байланысты (қар, боран, көрінудің шектелуі) «Екатеринбург-Алматы» тас жолының 1291-1353  шақырымында , Ақмола облысы  - Теміртау  қаласындағы «ҚазАвтоЖол» ҰК» АҚ ақылы автомобиль жолдары дирекциясының учаскелерінде  көліктің барлық түрлері үшін қозғалыс шектелді.

13 наурыз 10.45 «Екатеринбург-Алматы»  1426-1446 шақырымы мен Теміртауда жол жабылды.

Павлодар облысы:

13 наурызда сағат 10.30-да Ақмола облысында ауа райының нашарлауына байланысты «Нұр-Сұлтан-Ерейментау-Шідерті»  тас жолының 200-254  шақырымындағы Ақмола облысы Шідерті аумағында  көліктің барлық түріне қозғалысқа шектеу қойылды.

Естеріңізге сала кетейік, еліміздің 8 облысында 2022 жылдың 9 наурызы мен 12 наурызы аралығында көліктің барлық түрлері үшін республикалық маңызы бар автомобиль жолдарында қозғалысқа 30 реттен астам шектеу енгізілген болатын.

Ауа райының қолайсыздығына байланысты 600-ден астам арнайы техника мен 1 мыңға жуық жол жұмысшысы жұмылдырылған. Соның нәтижесінде 5 мың шақырымнан астам республикалық маңызы бар жолдар тазартылды. Қысқы жөндеу жұмыстары күшейтілген режимде жалғасуда.

«ҚазАвтоЖол» азаматтарды ауа райының өзгеруіне баса назар аударуға және алыс жолға шықпауға шақырды.