Қазақстанның төрт облысы цифрлық сауаттылықтан артта қалды

2020 жылы цифрлық сауаттылық бойынша Алматы (91,4%) және Нұр-Сұлтан (91,3%) көшбасшылар болды. Қазақстанның төрт облысы артта қалды.

Бұл туралы Orda.kz Ranking.kz-ке сілтеме жасап хабарлады.

2022 жылы «Цифрлық Қазақстан» мемлекеттік бағдарламасының жоспарына сәйкес 6-74 жасқа дейінгі тұрғындар арасында цифрлық сауаттылық деңгейі 83%-ды құрауы керек.

2020 жылы жалпы көрсеткіш 84,1%-ке жетті, ал мақсат 80% болған. Алайда, Ақмола, Солтүстік Қазақстан, Батыс Қазақстан және Маңғыстау облыстарында цифрлық сауаттылық деңгейі жоспарланған деңгейден төмен:

• Ақмола облысы - 74,9%
• Солтүстік Қазақстан облысы - 78,8%
• Батыс Қазақстан облысы - 78,8%
• Маңғыстау облысы - 79,6%

Интернетке, оның ішінде ұялы телефон арқылы қол жетімді үй шаруашылықтарының үлесі орта есеппен 92,4% құрады. Бірақ артта қалған аймақтарда бұл орташа республикалық деңгейден аз. Респонденттердің пікірінше, бұл интернетке деген қажеттіліктің болмауынан.

Сонымен қатар, оған қызметтердің қымбаттығы да әсер етеді. Мәселен, Ақмола облысында респонденттердің 11,5%, Солтүстік Қазақстан облысында 10,7%, Маңғыстау облысында 8%-ына кедергі жасайды. Батыс Қазақстан облысындағы респонденттердің 6,7%-ы интернетке қол жетімсіздікпен бетпе-бет келген.