Қазақстанның солтүстігінде жанармай тапшылығы пайда болды

СҚО-да жанармай құю бекеттерінің көпшілігі дизель отынын тек талондар арқылы бере бастады. Жергілікті шенеуніктер жанармай тапшылығы мәселесін шеше алмай отыр. Ал кейбіреулері баға белгілерін толығымен алып тастады, өйткені өнім жоқ.

Бұл туралы Orda.kz КТК телеарнасына сілтеме жасай отырып хабарлайды.

Аймақтағы қалалық жанармай құю бекеттеріндегі жанармай тапшылығы бір апта бұрын басталды. Бірақ осы уақытқа дейін оны кейбір жанармай құю желілерінде еркін сатып алуға болатын еді.

Кейін баға ең жоғары деңгейге жетіп, литрі 233 теңге болды. Көп ұзамай баға белгілері алынып тасталды: жанармай құю бекеті қыметкерлері клиенттерге дизель отыны жоқ деп хабарлады. Енді дизель тек талон арқылы қол жетімді. Қазіргі дизельдің бағасы литріне 199 теңге.

Бірақ дизель отынын тек бірнеше жанармай құю бекеттерінен алуға болады. ЖҚС өкілдері сатып алушылардың алдында ақталудан шаршағанын айтты. Дизельдің болмауы, оның қоймаларда жоқтығымен түсіндіріледі. Бірақ шенеуніктер станцияларда тағы үш мың тонна қалғанын айтады.

- Қыркүйек-қазан айларында егін жинауға байланысты дизель отыны көбірек жұмсалды. Биыл ауа-райының қолайсыздығына байланысты егін жинау жұмыстары ертерек басталды, бұл жанармай құю бекеттеріне жүктелді. Осыған байланысты дизель отынын тұтыну көлемі артты,- деп түсіндірді СҚО әкімдігі Индустрия және кәсіпкерлік басқармасы басшысының орынбасары Данияр Исаев.

Дизель отынының тапшылығын жою үшін шенеуніктер Энергетика министрлігіне хат жолдады.