Қазақстанның шекарасы қатаң күзетіліп жатыр – Шекара қызметі

Ұлттық қауіпсіздік комитеті Шекара қызметінің бөлімшелері тұрақты дайындықта, шекараны күзету күшейтілген режимде жүргізілуде, деп хабарлады ведомствоның баспасөз қызметі.

Қоғамға жат әрекеттер жасады деген күдікпен 366 адамның ұсталғаны туралы хабарланды. Олардың алтауы қарсылық кезінде жараланған.

Ұсталғандардан 30 қару (22 тегіс ұңғылы мылтық, үш карабин және бес тапанша), 245 бірлік оқ-дәрі, екі суық қару; сегіз радиостанция, төрт сауыт тәркіленді.

Ұсталғандардан 200-ден астам ұялы телефон, планшет, ноутбук, сондай-ақ 15 қорап парфюмерия, 267 бөтелке алкоголь және қомақты ақша табылды.

Сондай-ақ, шекарашылар ұсталғандар жүріп бара жатқан 29 автокөлікті, діни әдебиеттер мен митингілерді заңсыз ұйымдастыру тәртібі туралы нұсқаулықтарды тәркіледі.