Қазақстан медиа нарығында отандық өнім көбейген

2020 жылы Қазақстан медиа нарығын шетелдік контентпен қамту үштен біріне қысқарды. Бұл туралы Ақпарат және қоғамдық даму министрі Аида Балаева хабарлады.

Оның айтуынша, Қазақстан медиа нарығын бірыңғай ақпараттық-идеологиялық тұрақты қалыптастыру басты міндет болып табылады.

«Сондай-ақ, міндеттердің қатарына отандық ақпараттық контенттің телеарналардағы үлесін арттыру кіреді. Өткен жылы біз шетелдік қамтуды 30 пайызға азайттық, ал бұл жұмыс 2021 жылы жалғасады. Сонымен қатар, басты назарды өзімізде өндірілген телевизиялық өнім мен мазмұн сапасына аударуымыз керек», - деді Аида Балаева.

Министр нақты тетіктер жасалуы керек аумақтарда ақпараттық жұмыстарды үйлестіруді, күшейтуді керектігін атап өтті.

«Яғни, қазірдің өзінде іске қосылған жобаларды дамытып қана қоймай, сонымен қатар бұрын жоспарланған істерді іс жүзінде жүзеге асыруға, жаңа өзекті бастамаларды әзірлеп, ұсынуға баса назар аудару қажет», - деп қорытындылады министрлік басшысы.

Бұған дейін Балаева қолданыстағы жастар саясаты және бұқаралық ақпарат құралдары туралы заңға қандай өзгерістер енгізу жоспарланып отырғанын айтқан.