Қазақстанның батысында қайтадан блок-бекеттер қойылады

1 мамырдан бастап Батыс Қазақстан облысында блок-бекеттер орнатылады. Карантиндік шараларды күшейту туралы жаңа қаулыға өңірдің бас санитарлық дәрігері Мұхаметғали Арыспаев қол қойды.

Толығырақ Orda.kz сайтында.

Блокпостар Орал қаласы бойынша, сондай-ақ эпидемияға қарсы іс-шараларды жүргізу үшін қызыл аймақта орналасқан Ақжайық, Бәйтерек, Бөрлі, Казталов, Теректі, Шыңғырлау аудандарында орнатылатын болады.

Блок-бекеттер арқылы кедергісіз кіру және шығу белгілі азаматтар тобына ғана рұқсат етіледі. Олар:

• халықтың тыныс-тіршілігін қамтамасыз ету ұйымдарының қызметкерлері;
• медициналық көрсеткіштер бойынша кететін және келетін адамдар;
• карантинді стационарларда емделіп және бақылауда болған адамдар;
• транзиттік жолаушылар мен жүк тасымалдаушылар;
• вахталық қызметкерлерді тасымалдайтын көлік құралдары;
• көлік және көктемгі дала жұмыстарын, табиғатты қорғау, ветеринариялық, ауыл шаруашылығы іс-шараларын, жол-жөндеу жұмыстарын, авариялық қызметтерді жүргізуге тартылған адамдарды, бірінші кезекте қажетті тауарларды, тамақ өнімдерін, дәрі – дәрмектерді, қатты, сұйық отынды және ЖЖМ жеткізушілерді, сондай-ақ облыстың шаруашылық тыныс-тіршілігін қамтамасыз ету үшін тауарлары, жабдықтары мен материалдары бар барлық жүк көлігін растайтын құжаттар ұсынылған кезде (мемлекеттік тіркеу туралы куәлік, қызметкерлер үшін-жұмыс орнынан);
• құқық белгілейтін құжаттарды ұсынған кезде қала сыртындағы үйлерге (саяжайларға, омарталарға, қыстақтарға) бару үшін тұрақты тұратын жеріне қайтып келетін адамдар мен облыс тұрғындары (бір отбасы мүшелері);
• жақын туысының (әкесі, анасы, ағасы, әпкесі, балалары) қайтыс болуына байланысты;
• жұмыс берушінің мөрімен расталған еркін үлгідегі анықтамасы болған кезде тұрғылықты жерінен жұмыс орнына дейін және кері қарай жүріп-тұруы;
• жол жүру билетін көрсеткен кезде теміржол вокзалынан, әуежайдан, автовокзалдан жіберілген/қайтарылған кезде.

Сонымен қатар, блокпосттарды жергілікті әкімдік тиісті рұқсат бергендер өте алады.

Қазіргі уақытта өңірде түнгі уақытта жүріп-тұруға шектеу қолданылады. Тұрғындарға түн ортасынан таңғы алтыға дейін көшеде болуға тыйым салынады.