Қазақстанның бас санитар дәрігері жаңа қаулыға қол қойды

Қазақстанның бас санитар дәрігері Ерлан Қиясовтың жаңа қаулысы жарияланды.

Бұл туралы Orda.kz хабарлайды.

Жаңа қаулыға сәйкес:

• Нысандарға Ashyq жобасын енгізу және іске асыру жалғастырылсын;
• Өңірлердің, Нұр-Сұлтан, Алматы, Шымкент қалаларының әкімдері, «Атамекен» ҰКП (келісу бойынша) құзыретіне сәйкес шаралар қабылдасын;
• «Атамекен» ҰКП (келісу бойынша) жобаға қатысушылардың арасында заңбұзушылықтардың алдын алуды жүргізуді қамтамасыз етсін;

Алматы қаласын қоспағанда, биыл 28 тамыздан бастап мыналардың жұмысына:

• демалыс күндері – Ashyq жобасына қатысатын барлық бизнес нысандары жұмысына – сағат 00.00-ге дейін, Ashyq жобасының көшбасшыларының жұмысына – қызметкерлер мен келушілерде «жасыл мәртебе» болған жағдайда (вакцина, сынама алған кезден бастап 7 тәуліктен аспайтын теріс нәтижесі бар ПТР тесті, тұрақты медициналық қарсы көрсетілімдері бар, соңғы 3 ай ішінде ауырып жазылған адамдар) сағат 02.00-ге дейін;
• сенбі күндері – қоғамдық  көліктің жұмысына рұқсат етілсін;
• Алматы қаласын қоспағанда, биыл 30 тамыздан бастап Ashyq жобасына қатысатын барлық бизнес нысандары үшін жұмыс уақытын (режимін) жұмыс күндері сағат 22.00-ден 00.00-ге дейін, Ashyq жобасының «көшбасшылары» үшін сағат 00.00-ден 02.00-ге дейін ұзартсын.

Эпидемиологиялық жағдай тұрақталған жағдайда Алматы қаласындағы карантин шараларын жеңілдетуді енгізу биыл 4 және 6 қыркүйектен басталсын.

Қаулының толық мәтінін мына сілтемеден көре аласыз.