Қазақстанның барлық өңірі «қызыл» аймақта

Елімізде 1 тамыздағы жағдай бойынша эпидемиологиялық ахуалды бағалау матрицасы жарияланды. Мәліметке сәйкес,  Қазақстанның барлық өңірі «қызыл» аймақта тұр.

Бұл туралы  коронавирустың таралуына жол бермеу жөніндегі ведомствоаралық комиссияның ресми Telegram-каналында жарияланды.

«Қызыл» аймақта: Нұр-Сұлтан, Алматы, Шымкент қалалары, Ақмола, Ақтөбе, Алматы, Атырау, Батыс Қазақстан, Жамбыл, Қарағанды, Қостанай, Қызылорда, Маңғыстау, Павлодар, Солтүстік Қазақстан, Түркістан және Шығыс Қазақстан облыстары.

Түркістан облысы осыған дейін бірнеше күн қатарынан «сары» аймақта болған болатын. Соңғы күндері бұл өңір де «қызыл» аймаққа өтті.

Өткен тәулікте қауіпті індетті жұқтыру бойынша тағы да антирекорд жаңарды. Бір күнде елімізде COVID-19 жұқтырған 7803 адам анықталды.