Қазақстанның бұрынғы премьер-министрі жазасын өтеп шықты

Қазақстанның бұрынғы премьер-министрі Серік Ахметов жазасын өтеп шықты.

Бұл туралы Orda.kz хабарлайды.

1 қыркүйек күні Серік Ахметов жазасын өтеуіне байланысты тіркеуден алынып тасталғаны айтылды. 2015 жылдың желтоқсанында Серік Ахметов бюджет қаражатын жымқырды, қызмет бабын асыра пайдаланды деген айыппен 10 жылға бас бостандығынан айырылды.

Сондай-ақ, бес жыл мемлекеттік қызмет атқару құқығынан айырылды және мүлкі тәркіленді.  Ахметов кінәсін мойындамады, бірақ сенімін ақтамағаны үшін Қазақстанның Тұңғыш Президенті Нұрсұлтан Назарбаевтан кешірім сұрады.

– 2021 жылғы 1 қыркүйекте Серік Ахметов сотталу мерзімін өтеуіне байланысты жазаның негізгі түрі бойынша пробация есебінен шығарылды. Қазіргі уақытта белгілі бір лауазымдарды атқаруға тыйым салу түріндегі қосымша жаза бойынша Қазыбек би ауданының пробация қызметінде есепте тұр, - деді ІІМ ҚАЖК баспасөз қызметі.

2016 жылдың наурызында оның мерзімі 8 жылға дейін қысқартылды. Сот үкімінің жеңілдетілуі Ахметовтың 2,5 миллиард теңге көлемінде залалды өтеуімен байланысты.

– Баршаңызға рахмет. Мен үйге барып, демалайын, - деді Ахметов колониядан шыққанда.

Серік Ахметов әр жылдары Теміртау қаласының әкімі, Қарағанды ​​облысының әкімі, көлік және коммуникация министрі, қорғаныс министрі болды.

Дереккөз: zakon.kz