Қазақстанның Қарулы күштері елдің батысы мен оңтүстігіне аттанды

Қыркүйектің басынан бері  ауқымды әскери оқу-жаттығулар өтіп жатыр, шара аясында  Қазақстанның әскері батыс және оңтүстік өңірлеріне жіберілді.

Қорғаныс министрлігі әскери дайындыққа тексеру жүргізіп жатыр. Аталған шараға тоғыз мың адам, үш мыңға жуық қару-жарақ пен әскери техника қатысуда. Маневрға шамамен тоғыз мың адам, үш мыңға жуық қару-жарақ пен әскери техника, оның ішінде 66 ұшу аппараты мен сегіз корабль тартылды.

Қазақстанның  территориясының кеңдігіне байланысты Қарулы Күштер алыс қашықтыққа тез жетуге әзір болуы тиіс. Осы орайда әскерді жауынгерлік техникамен, теміржол және әуе көлігімен, оның ішінде азаматтық авиация мүмкіндігін пайдалана отырып, әртүрлі тәсілмен жеткізу жүзеге асырылды.

— Атап айтқанда, алдыңғы шептегі бөлімшелер әскери-көлік және азаматтық авиация ұшақтарымен жеткізілді. Құрлық әскерлерінің бөлімдері мен бөлімшелері жауынгерлік техникасымен бірге өздеріне таныс емес полигондарға теміржол көлігімен жеткізілді. Жауынгерлік оқу-жаттығу міндеттерін орындау шеңберінде бөлімшелер белгіленген аудандарда орналасып, оларды инженерлік тұрғыдан жабдықтады.

Армия және майдан авиация топтары жедел әуеайлақтарға және Ақтау – Жаңаөзен автомобиль жолының әуеайлақ учаскесіне қайта орналастырылды, - делінген қорғаныс министрлігінің хабарламасында.

Әскери-теңіз күштері кемелері Каспий теңізінің акваториясында кемелер тұратын пункттерді күзетуді және қорғауды іске асырады. Одан әрі құрамалар мен бөлімдер жауынгерлік міндеттерді орындайды. Әскер әрекетінің нақтылы мен  сапасын Қарулы Күштердің Бас штабы бағалайды.