Қазақстанда қар көшкінінен 70-тен астам адам құтқарылды

Өткен тәулікте Ақмола, Шығыс Қазақстан, Қарағанды, Солтүстік Қазақстан облыстарындағы облыстық және республикалық маңызы бар жолдарда қар құрсауынан 72 адам құтқарылды, 27 автокөлік сүйрелді, деп хабарлады ҚР Төтенше жағдайлар министрлігінің ресми өкілі Талғат Уәли.

Құтқару жұмыстарын жүргізу кезінде төтенше жағдайлар департаменті, жергілікті атқарушы органдардың, жол қызмет күштері мен құралдары жұмылдырылды. Солтүстік Қазақстан облысының Қызылжар ауданында босанған әйел Шаховское ауылынан жедел жәрдем вагонына жеткізілді. Оған медициналық көмек қажет болған.

Ауа райының нашарлауына байланысты (көктайғақ, жаңбыр мен қар, қарлы боран, көрінудің шектеулі болуы) 6 ақпаннан бастап еліміздің сегіз облысында жолдар жабылды. Жетінші ақпанның түнінен бастап республикалық маңызы бар Нұр-Сұлтан-Петропавл автожолы жабылғаннан кейін, Нұр-Сұлтан мен Щучинск қаласынан жүрген көліктердің тоқтауы байқалды.

Облыстық Төтенше жағдайлар департаменті мен төтенше жағдайлар министрлігінің ахуал орталығында жедел әрекет ету және ведомствоаралық ынтымақтастықты ұйымдастыру үшін жедел штаб орнатылды. Ақмола облысы Төтенше жағдайлар департаментінің «112» басқару пультіне және Нұр-Сұлтан Төтенше жағдайлар департаментіне тұрғындардан 5500-ге жуық қоңырау түсті.

Төтенше жағдайлар министрлігі және жергілікті атқарушы органдар шоғырланған жерлердегі көлік иелеріне түсіндіру жұмыстарын жүргізді, 19 жылу пункті дайындалды. Автокөліктерге ПД-ның офицерлері мен жол қызметі қызметкерлерінің еріп жүруімен (1668 автокөлік, оның ішінде 290 жүк көлігі) колонналар арқылы жіберілді.

Тас жолда көлікт қозғалысы ашық, қазір ешқандай кептеліс жоқ.