Қазақстанның қай өңірінде тұрғындар ең жоғары жалақы алады?

Сарапшылар Қазақстан Республикасының қай өңірінде тұрғындар ең көп жалақы алатынын айтты.

Зерттеушілер 2021 жылдың үшінші тоқсанында елдегі атаулы орташа айлық жалақы орта есеппен 243,7 мың теңгеге жеткенін, бұл өткен жылмен салыстырғанда 19,3%-ға көп екенін атап өтті.

Ranking.kz порталының мәліметінше, 2020 жылдың үшінші тоқсанында орташа жалақы 204,3 мың теңгені құрады.

Өңірлік тұрғыда ең жоғары жалақы дәстүрлі түрде Атырау облысында байқалды: 419,1 мың теңге – бір жыл бұрынғыдан 19,5%-ға артық. Нақты мәнде өсім 9,5 пайызды құрады. Өңірдегі жалақы орташа республикалық деңгейден 72 пайызға жоғары болды.

Үш жетекші өңірге Маңғыстау облысы (346,5 мың теңге) және Нұр-Сұлтан (338,4 мың теңге) кірді.

Ең төменгі жалақы Түркістан облысында тіркелді: 181,1 мың теңге – бір жыл бұрынғыдан 11,5%-ға артық.

17 облыстың төртеуінде ғана жұмысшылардың жалақысы орташа республикалық деңгейден асып түсті: жетекші үш облыстан басқа бұл төрттікке Алматы қаласы да қосылды: 283,7 мың теңге.