Қазақстанның 10 облысында дауылды ескерту жарияланды

6 маусымда Қазақстанның 10 облысында дауылды ескерту жарияланды – қатты жаңбыр жауады, жел күшейеді, найзағай ойнайды, бұршақ жаууы мүмкін.

Күндіз Атырау облысының оңтүстігі мен орталығында найзағай ойнап, бұрқасын болады. Оңтүстік-батыстан соғатын жел, күндіз оңтүстікте және облыс орталығында екпіні 15-20 м/с.

Батыс Қазақстан облысының солтүстік-батысында, солтүстігінде қатты жаңбыр, оңтүстікте, солтүстік-батыста, орталықта найзағай ойнап, бұршақ жауады. Оңтүстік-шығыстан жел соғады, оңтүстікте, солтүстік-батыста, орталықта, шығыста күндіз екпіні 15-20 м/с. Оралда – жаңбыр, кейде қатты, найзағай, бұршақ. Жел оңтүстік-шығыстан 9-14, күндіз екпіні 18 м/с.

Күндіз солтүстікте, Маңғыстау облысының орталығында – найзағай ойнап, шаңды дауыл соғады. Оңтүстік-батыстан соғатын жел, күндіз солтүстікте, оңтүстікте, облыс орталығында 17-22, екпіні 25 м/с.

Түнде Ақтөбе облысының солтүстігінде, оңтүстігінде – найзағай ойнайды. Оңтүстік-шығыстан, оңтүстіктен жел соғады, найзағай кезінде екпіні 15 м/с. Ақтөбеде түнде найзағай ойнайды. Оңтүстік-шығыстан, оңтүстіктен жел соғады, найзағай кезінде екпіні 15 м/с.

Қостанай облысының батысында, оңтүстігінде найзағай ойнайды. Оңтүстік-шығыстан соғатын жел, күндіз облыстың шығысында екпіні 15-20 м/с.

Күндіз Түркістан облысының тауларында – найзағай ойнайды. Шығыстан соғатын желдің екпіні 15-20 м/с.

Күндіз Алматы облысының таулы аймақтарында – найзағай ойнайды. Оңтүстік-шығыстан соғатын жел облыстың шығысында 15-20, екпіні 25 м/с.

Шығыста, Қарағанды ​​облысының орталығында – найзағай ойнайды. Оңтүстік-шығыстан соғатын жел, шығыста, облыс орталығында екпіні 15-20 м/с.

Түнде Шығыс Қазақстан облысының солтүстік-шығысында, шығысында – найзағай ойнайды, тұман түседі. Солтүстік-батыстан соғатын жел оңтүстік-батысында солтүстік-шығысқа ауысады, облыстың оңтүстігінде 15-20 м/с. Түнде облыстың батысында -1°C аяз.

6-7 маусымда күндіз Жамбыл облысының таулы аймақтарында күн күркіреп, бұршақ жаууы мүмкін. Оңтүстік-шығыстан соғатын жел солтүстік-шығысқа ауысады, облыстың солтүстік-шығысында, таулы аймақтарда 15-20 м/с.