Қазақстандық журналист Путиннің айтқан сөзімен келісті

Қазақстандық журналист Ерғанат Көпжасар Қазақстандағы орыс тіліне қатысты Ресей президенті Владимир Путиннің айтқан сөзімен келісті. Оның айтуынша, Путин қанша ащы болса да шындықты айтқан.

«Путин Қазақстанды орысша сөйлейтін ел деп атады. Оған «патриоттар» оталып жатыр. Билігің түгіл былайғы өмірде екі қазақтың басы қосылса, орысша сөйлеп кететіні өтірік емес. Әсіресе, ірі мегаполистерде жұрттар «Элита» көріну үшін ана тілінде сөйлемейді. Сөйлегендерді менсінбейді. Біз рухани мүгедекпіз. Сатқынбыз. Ана тілімізді сатқанбыз. Бір рет сатқындыққа жол бергендер отанын да оп-оңай сата алады» деп жазды Ерғанат Көпжасар.

Еске салсақ, Путин Орталық Азиядағы орыс тілінің рөлін жоғары бағалады.

«Қазақстан сөздің толық мағынасында орыс тілді ел» деді ол.