Қазақстандық жас гимнастшылар Португалияны бағындырды

Қазақстандық бір топ бала Португалияда өтіп жатқан аэробты гимнастикадан ашық чемпионатта алты медаль жеңіп алды.

Кантанеди қаласында (Португалия) аэробты  гимнастикадан ашық чемпионат өтіп жатыр, онда біздің жас спортшылар жүлделі орындарға ие болды. Қазақстан құрамасы 18 спортшыдан тұрады.  Олар  әртүрлі санаттағы әйелдер мен ерлер арасындағы жеке жарыстарда, сондай-ақ трио және топтық жарыстарда өнер көрсетеді.

9–11 жас аралығындағы қыздар арасындағы жекелей сында Елена Мян алтын, Жансая Даниярқызы күміске қол жеткізді. Жекелей сында ұлдар арасында Айвар Гиниятуллин күміс жүлдені жеңіп алды.

«Бұл категорияда біліктілік қорытындысы бойынша алғашқы бес орынның барлығы қазақстандық спортшыларға бұйырды, бірақ елден тек екі спортшы ғана финалға өтті», - дейді аэробты гимнастикадан қазақ мектебінің жаттықтырушысы Диана Жәкішева.

Ал қазақ гимнастшылары топтық және триолық өнер көрсетуде үздік шығып, екінші және бірінші орындарға ие болды. Ал бүгін 11 мен 14 жас аралығындағы жоғары топ балалары жүлделі орындарды сарапқа салады.

Ата-аналар комитеті Қазақстан құрамасының Португалияға бару және тұру шығындарын ата-аналар көтергенін атап өтеді.