Қазақстандық жүк тасымалдаушылар Украинадан шығатын «жасыл дәліз» сұрайды

Желіде Украинадағы жағдайдың кепіліне айналып, туған жеріне қайта алмай жүрген қазақстандық жүк көлігі жүргізушілерінің видеоүндеуі жарияланды.

Жүк көліктерінің жүргізушілері шекарадан өтіп, үйлеріне қайтуы үшін «жасыл дәліз» ұйымдастыруды сұрайды, деп хабаралайды BaigeNews.kz.

— Біз, Қазақстан азаматтары, Украинадамыз. Кездейсоқ Украинадағы әскери қимылдардың кесірінен тұтқынға түскендей болдық. Мемлекеттен шекараны кесіп өтуге және үйге қайтуға көмектесуін сұраймыз.  Өйткені, аспан қара түтінге толып, күн өткен сайын жағдай қиындап барады. Біз өз мемлекетімізге сенеміз, - дейді видеода жүргізушілердің бірі.

Оның әріптесі қазақстандық Роман Бушуев қазір Украинаның Днепро қаласында екенін айтты.

— Біз тұрақта тұрмыз, 10 қазақстандық көлік  бармыз, не істерімізді білмейміз, әйтеуір Ресейге немесе Беларусь республикасына шығуды ұйымдастыру үшін Қазақстан Республикасы үкіметінен көмек сұраймыз, - деді Роман.

Дәл осындай мәселемен халықаралық жүк тасымалымен айналысатын қазақстандық компаниялардың бірінің басшысы Дмитрий Обершт «Атамекен» Ұлттық кәсіпкерлер палатасына да жүгінді. Оның айтуынша, қазір Украинада Қазақстанның  елу жүргізуші осындай жағдайда.

— Көліктер елдің түкпір-түкпірінде - Днепрден Киевке дейін шашылып жатыр. Кейбіреулер бір айдан бері тұр, өйткені басқа мәселелер болды, одан соғыс басталды. Жігіттер көлікте тұрады: кейбірі орманда, кейбірі жағалауда, жол бойында,  кейбіреулері автотұрақта. Олар бір жерде  бір-бірімен астарын  бөліседі, ал кейбіреулері чатта атыс пен жарылыс естігендерін жазады, - деп келтіреді Дмитрий Оберсттің сөзін mgorod.kz.

Жағдайға түсініктеме бере отырып, «Атамекен» ҰКП ауыр жүк көліктерінің 50 жүргізушісі оларға Украинадағы қайда екендігі туралы мәліметтерді жіберіп қойғанын хабарлады. Көбісі жүк тиелген көліктерін тастап, елден ұшып кете алмай жатыр.

«25 ақпанда АЭС Сыртқы істер, сауда министрліктеріне және Индустрия және инфрақұрылымдық даму министрлігіне ресейлік, беларусьтік, украиналық, поляк және басқа да тараптармен «жасыл дәлізді» қамтамасыз ету мәселесі бойынша жұмыс істеуді сұраған хаттар жолдады. Қазақстандық тасымалдаушылардың Украина аумағынан шығуына арналған «жасыл дәліз», делінген Ұлттық палата мәлімдемесінде.

Ұлттық палата байланыс орталығы арқылы жүргізушілер туралы деректерді жинауды жалғастыруда: +7 778-870-1432.

Еске салайық, Украина мен Беларусь шекарасындағы барлық өткізу бекеттерін белгісіз мерзімге жабылған.