Қазақстандық Қырғызстандағы Құмтөр кенішінің атқарушы директоры болды

«Kumtor Gold Company» компаниясының атқарушы директоры қызметіне қазақстандық маман Қанат Құрманов келді.

Қанат Құрманов компанияға сыртқы менеджмент енгізілгеннен кейін оны жаңа басшылық шақырғанын түсіндірді.

Ол өзі туралы да айтты.

«Мен Ыстықкөл облысы Тоң ауданы Бөкөнбаев ауылында дүниеге келдім. Үш жасымда әке-шешем Қазақстанға көшіп кетті. Әкем қырғыз, шешем қазақ. Бүгінде мен Қазақстан азаматымын. Жаңа басшылық кеніште сыртқы менеджмент енгізілгеннен кейін мені шақырды. Мамандығым – пайдалы қазбаларды өңдеуші инженер. Университетті 2006 жылы бітіргенмін, бірақ 2003 жылы өндірістік кәсіпорындарда жұмыс істей бастадым» деді Құрманов.

Ол тау-кен өнеркәсібінде 20 жыл және Қазақстандағы өңдеу зауытында 18 жыл жұмыс тәжірибесі бар екенін нақтылады.