Қазақстандық әуе компанияларына Украинаның үстінен ұшуға тыйым салынды

Қазақстандық әуе компанияларына Украина әуе кеңістігінде ұшуға тыйым салынды.

– Украина аумағында азаматтық авиацияның қауіпсіздігіне төнетін қатердің жоғары деңгейіне байланысты және Днепр, Львов, Симферополь, Одесса, Киев қалаларының аумақтары арқылы ұшуға барлық отандық авиакомпанияларға ұшуға тыйым салынады.

– Қазақстанның Авиация әкімшілігі тұрақты, жүк және чартерлік әуе тасымалдарын жүзеге асыратын Қазақстанның авиакомпанияларына ағымдағы жағдай тұрақталғанға дейін азаматтық әуе кемелерінің Украина аумағына және оның әуе кеңістігіне барлық ұшуларына тыйым салу туралы тиісті нұсқаулар (радиограммалар) жіберді, - делінген хабарламада.

Бұл туралы Қазақстан Республикасының Индустрия және инфрақұрылымдық даму министрлігі хабарлады. Сондай-ақ министрлік жолаушыларға кеңес беретін сенім телефонының іске қосылғанын айтты.