Қазақстанды қуаңшылық жайлауы мүмкін: қай аймаққа қауіп төніп тұр?

Қазгидромет синоптиктер 2021 жылы маусымда екі облысты қуаңшылық жайлауы мүмкін деген болжам жасады.

Бұл туралы Orda.kz хабарлады.

Сарапшылар осы айда елдің көп бөлігіне су жетіспейді деп ескертті.

Сонымен қатар, төрт облыста - Ақмола (Жақсы ауданы), Ақтөбе (Әйтеке би, Хромтау аудандары), Шығыс Қазақстан (Бесқарағай ауданы) және Маңғыстау облысында (Қарақиян ауданы) қатты құрғақшылық болады деп болжануда.

Шығыс Қазақстан облысының Абай ауданында және Қостанай облысының Амангелді ауданын қуаңшылық жайлайды. Сондай-ақ, аномалия Қызылорда және Түркістан облыстарында да байқалады.

Қызылорда облысы тіпті қуаңшылықтан қашып құтылу үшін төтенше жағдай режимін енгізуі мүмкін. Ал Түркістан фермерлері дабыл қағып, көмек сұрауды бастаған.

Айта кетсек, Маңғыстауда құрғақшылық салдарынан жайылымда шөп жоқ. Аш мал картонмен қоректеніп жүр. Ал жылқылар қу сүйек болып қалған.

Еске салсақ, Қазақстан көрші үш елден: Өзбекстан, Тәжікстан және Қырғызстаннан су алатын болған. Көмек үшін Қазақстан Тәжікстанға жабдықтар мен жанар-жағармай материалдарын, ал Өзбекстан мен Қырғызстанға электр энергиясын береді.