Қазақстандық туристер Грузияға 1 наурыздан бастап бара алады

Қазақстандық туристер 1 наурыздан бастап Грузияға бара алады, деп хабарлайды Georgia Online.

- Біз туристерді қабылдау ережелерін одан әрі жеңілдету туралы шешім қабылдадық. Атап айтқанда, 1 наурыздан бастап Грузия ПТР сынағының теріс нәтижесі бар сертификат болса, шекараға кіргізетін елдер тізіміне қосылды. Ол тізімде сонымен қатар: Армения, Әзірбайжан, Ресей, Украина, Қазақстан, Ресей, Беларуссия елдері бар. Құрлықтағы шекарада біз қазіргі режимді сақтаймыз, - деді Грузия премьер-министрі Иракли Гарибашвили.

Қолданыстағы шектеулерге сәйкес, коронавирусқа қарсы вакцинацияланған шетелдіктер Грузияға құрлық шекарасы арқылы кіре алады. Олар вакцинацияның екі кезеңін аяқтағанын растайтын құжат ұсынуы керек.

Грузия 1 ақпаннан бастап тұрақты рейстерді қалпына келтірді. Сондай-ақ, 36 елдің азаматтары үшін де, Грузия азаматтары үшін де елге кіру ережелері жеңілдетілді. Ұлттық туризм басқармасының хабарлауынша, пандемия салдарынан 2020 жылы Грузияға 1,5 миллион турист келді. Бұл 2019 жылмен салыстырғанда 80,4% -ға аз.