Қазақстандықтардың төрттен бірі діни себептермен екпеден бас тартты

11 қазан 2021 11:01 Айнура Дарибаева

2013 жылдан бері 24 976 вакциналауға жататын адам профилактикалық егуден бас тартты, деп мәлімдеді ҚР Денсаулық сақтау министрі Алексей Цой.

Бұл туралы Orda.kz хабарлады.

Жеке сенімі бойынша - 58%, діни нанымдары бойынша - 23,2%, вакциналарға сенімсіздіктен- 12,8%, бұқаралық ақпарат құралдарындағы теріс ақпарат нәтижесінде - 6% қазақстандық екпеден бас тартты.

Ағымдағы жылдың бірінші жартыжылдығында Әділет министрлігінде 3417 вакциналаудан бас тарту оқиғасы тіркелді.

– Біз вакциналауға қарсылармен үнемі түсіндіру жұмыстарын жүргіземіз. Биыл 197 адамның ойын өзгертіп, вакцина салдырдық, - деді Цой.

Министрдің айтуынша, департамент коронавирустық инфекцияға қарсы вакцинаның маңыздылығы туралы халықпен байланысты нығайтты. Бұл тақырып бойынша 30 мыңнан астам материал жарияланды. Әлеуметтік желілер мен YouTube арналарында 3 мыңнан астам материалдар бар.

Жаңалықтар

барлық жаңалықтар