Қазақстандықтардың Ресейге кіру ережесі өзгерді

Қазақстанның Ресей Федерациясындағы Елшілігі Facebook желісіндегі парақшасында елге кірудің жаңа тәртібі туралы хабарлады.

Роспотребнадзордың қаулысына сәйкес, коронавирусқа теріс ПТР сынамасының әрекет ету мерзімі шетел азаматтары, оның ішінде қазақстандықтар Ресейге кірген кездегі COVID-19 зертханалық талдауының нәтижесі шыққан сәттен бастап 72 сағаттан 48 сағатқа дейін қысқарды.

Ресей Федерациясына кіру кезінде жасына қарамастан барлық азаматтарға, оның ішінде 5 жасқа дейінгі балалар үшін теріс ПТР тесті қажет екендігі атап өтілген.

Сонымен қатар, Қазақстан және басқа мемлекеттер азаматтарының Ресейге құрлықтағы өткізу пункттері арқылы кіруі әлі де шектеліп, тек жекелеген санаттарға ғана рұқсат етілген. Тізімді мына жерден табуға болады.