Қазақстандықтардың президентпен жолы болған – Лукашенко

Беларусь президенті Александр Лукашенко ҚР Ұлттық қауіпсіздік комитетінің төрағасы Кәрім Мәсімовпен кездесті.

Бұл туралы Orda.kz хабарлайды.

– Біздің төрағамен келіскеннің бәрін (Беларусь мемлекеттік қауіпсіздік комитетінің басшысы) орындаймыз. Бірігіп жұмыс істейміз, бұл біз үшін және Қазақстан үшін тиімді, - деді Александр Лукашенко.

Беларусь басшысы Душанбеде ҰҚШҰ саммитінде Қазақстан Республикасының Президенті Қасым-Жомарт Тоқаевпен кездесіп, елдер арасындағы ынтымақтастықты дамыту мәселелерін талқылауға ниетті екенін айтты.

– Сіздердің президенттен жолдарыңыз болған. Біз сіздерден халық атынан, мемлекет атынан жасалған жұмысты үйренуіміз керек, - деді Лукашенко.

Өз кезегінде, ҚР ҰҚК басшысы Беларуське сапары алдында Қазақстанның тұңғыш президенті Нұрсұлтан Назарбаевтың және қазіргі мемлекет басшысы Қасым-Жомарт Тоқаевтың қабылдауында болғанын айтты.

– Олар менен сәлем айтуымды өтінді. Нұрсұлтан Әбішұлы: «Менің ескі досыма сәлем айт», - деді. Менің ойымша, бізде талқыланатын көп нәрсе бар, өйткені біз дос елдер болғандықтан, мақсат пен міндеттеріміз бір. Біз бір-бірімізге көмектесуіміз керек, - деді Кәрім Мәсімов.