Қазақстандықтардың орташа зейнетақы мөлшері белгілі болды

Жыл басынан бері қазақстандықтарға 1,4 трлн теңгеден астам зейнетақы төленді, деп хабарлайды Еңбек және халықты әлеуметтік қорғау министрлігінің баспасөз қызметі.

1 шілдедегі жағдай бойынша қазақстандықтарға 1,4 трлн теңгеден астам зейнетақы төленді. 2022 жылғы маусымда республикалық бюджеттен зейнетақы төлемдеріне 261,9 млрд теңге бөлінді, оның 79,4 млрд теңгесі базалық зейнетақыға, 182,6 млрд теңгесі ынтымақты зейнетақыға төленді.

2022 жылғы 1 шілдедегі жағдай бойынша зейнеткерлер саны 2 млн 247 мың адамды құрайды.

Зейнетақы төлемдерінің орташа мөлшері (базалық зейнетақы төлемін қоса алғанда) 2022 жылғы 1 шілдедегі жағдай бойынша 117 469 теңге болды.