Қазақстандықтарды күзде қандай ауа райы күтеді?

Күзге арналған маусымдық ауа райы болжамына сәйкес, Қазақстанның басым бөлігінде күздің алғашқы екі айы салыстырмалы түрде жылы болады.

«Қазгидромет» РМК мәліметінше, қыркүйек және қазан айларында ауа температурасы нормадан 1-2°С жоғары болады деп болжануда.

Республиканың басым бөлігінде қарашада да жылы болады деп күтілуде. Нормаға жақын – тек Батыс Қазақстан, Атырау облыстарында, Солтүстік Қазақстанның басым бөлігінде, Ақтөбенің солтүстік-батысында, Қостанайда, Павлодар облыстарының солтүстік жартысында.

Қыркүйек және қазан айларында жауын-шашын Қазақстанның басым бөлігінде нормадан аз болады.

Қараша айында республиканың басым бөлігінде жауын-шашын климаттық нормаға жақын болады деп күтілуде.