Қазақстандықтарды ауыз сумен қамтамасыз етуге 500 млрд бөлінді

Қазақстанның кейбір аймақтарында әлі де ауыз су мәселесі өзекті болып отыр. Үкімет халықты ауыз сумен қамтамасыз ету үшін 2021-2025 жылдар аралығында жұмсалатаны бюжеттік қаражаттың мөлшерін бекітті.

Бұл туралы Orda.kz хабарлады.

Осылайша, жоба аясында бюджеттен 498 млрд теңге бөлінді, оның 261 млрд-ы ауылдық елді-мекендерді ауыз сумен қамтамасыз етуге жұмсалады.

– Ағымдағы жылы сумен жабдықтау және су бұру жүйелерін салу мен реконструкциялауға 151,4 млрд теңге, оның ішінде қалаларда - 77,3 млрд теңге, ауылдарда - 74,1 млрд теңге көзделген, - деді индустрия және инфрақұрылымдық даму министрлігі құрылыс және тұрғын үй-коммуналдық шаруашылық істері комитеті төрағасының орынбасары Бейбіт Шаханов.

Сондай-ақ, ол осындай 45 ауылда тұрғындар саны 10-ға да жетпейтінін айтты.

– Ел бойынша барлығы 6 316 ауыл бар. Оның ішінде халық саны 50 адамнан кем – 348 ауыл (10,1 мың адам) және 10 адамнан кем – 45 ауыл (253 адам) бар. Оның ішінде 3 991 ауыл орталық сумен қамтылған, 403 ауылда кешенді блок-модульдер орнатылған. Ауызсумен қамтылмаған 1 922 ауылдың 793-інде орталықтандырылған сумен жабдықтау жүйелерін салу жұмыстарын жалғастыру жоспарланып отыр, - деді Бейбіт Шаханов.