Қазақстанда бір тонна көмірдің құны 5-19 мың теңге.
Бұл туралы Orda.kz хабарлады.
Добавить статью.
Мемлекет көмір бағасын бүгін реттемейді. Сондықтан аймақтар бойынша баға диапазоны кең – тоннасына 5 мың теңгеден 19 мың теңгеге дейін. Бағасы көмірдің сортына және оны өндіру орындарының қашықтығына байланысты.
Қазақстандықтар арасында «Шұбаркүл», «Жалын» (Қарағанды облысы) және «Қаражыра» (Шығыс Қазақстан облысы) кен орындарының көмірі үлкен сұранысқа ие.
Көмір нарығында делдалдардан құтылу үшін мемлекет жеткізушілерге арнайы талаптар әзірледі. Олардың жеке қоймалары, теміржол тұйықтары мен бірқатар қызметкерлері болуы керек.
– Әкімдіктер делдалсыз тендерге тікелей қатысатын және соңғы тұтынушыға, яғни халыққа көмір сататын аймақтық операторларды анықтады, – деп түсіндірді Индустрия және инфрақұрылымдық даму министрі Бейбіт Атамқұлов.
Оның айтуынша, қазір аймақтарда 107,3 млн тонна көмір бар. Тапшылық болмайды.
Болжам бойынша, алдағы жылыту маусымында көмірді тұтыну 9,2 млн тоннаны құрайды, оның ішінде коммуналдық қызметтер бойынша – 2,8 млн тонна, тұрғындар бойынша – 6,4 млн тонна.
Көмірді тұтыну өткен маусыммен салыстырғанда 800 мың тоннаға төмендейді деп күтіледі. Бұл газдандыру мен тұрғындардың сұранысының төмендеуіне байланысты.
Министрдің айтуынша, 9 қыркүйектегі жағдай бойынша коммуналдық кәсіпорындар жоспардың 73 пайызына, тұрғындар 60 пайызға көмірмен қамтамасыз етілген.
