Қазақстандықтар міндетті медициналық сақтандыруды төлей алмай жатыр

Редакциямызға міндетті медициналық сақтандыруға төлем енгізе алмай жатқан адамдар шағым түсірді. ORDA жағдайдың мән-жайын анықтады.

Жеке кәсіпкер Ирина ORDA редакциясына міндетті медициналық сақтандыру қаржысын төлемегенін айтты. Оған жарнадан босатылғандығы туралы хабарлама келді.

НАО-ға қоңырау шалған кезде, ол базада студент ретінде тіркелгендігін естіді. Ирина ешқандай жеңілдік иесі емес және бұған дейін медициналық сақтандыруға жүйелі түрде ақша төлеп келген. Бұл тек жалғыз жағдай емес, тағы бір компанияда осындай іс орын алған.  

ORDA не болғанын түсіндіру үшін «Азаматтарға арналған үкімет» мемлекеттік корпорациясына жүгінді. Сөйтсек, бүкіл Қазақстан бойынша мәліметтер базасында ақау орын алыпты.

«Қазір бұл мәселе шешіліп жатыр. Бенефициарлар (жеңілдік алушылар) базасына қатысы жоқ, бірақ тізімге енгендер ешқайда хабарласпай-ақ қойса болады. Мәселе шешілген бойда олар бенефициарлар санатынан шығарылады, содан кейін тізімнен шыққан айдан бастап төлем жүргізе алады. Олар бенефициар тізімінен алынады».

Редакция тарапымыздан қосарымыз: осындай жағдайға тап болған адамдар емханаға барғанда базадан медициналық сақтандыру төлемақысы көрініп тұру үшін, жағдайды түсіндіріп айтуына болады.

НАО бұл жағдайда ешқандай пайыздар мен айыппұлдар салынбайтынын хабарлады.