Қазақстандықтар Испанияда өткен домбырашылар байқауында топ жарды

Қазақстандық домбырашылар Темірлан Олжабай мен Ернат Наурыз Испанияда өткен Music Box халықаралық байқауында «Аспаптық музыка» номинациясын жеңіп алды.

Әлемнің түкпір-түкпірінен келген аспапта орындаушыларға арналған Music Box халықаралық онлайн-байқауы екі турда өтті. Қазақстандықтар бірінші кезеңнен сәтті өтіп, қазылар алқасын Никколо Паганинидің авторлық бейімдеудегі «Каприз №24» шығармасын орындап, тәнті етті.

Екінші кезеңде домбырашылар сенсациялық «Игра престолов» телехикаясының саундтрегін орындап, конкурстық бейнеролик түсірді. Номинацияға 36 елдің аспапшылары қатысты. Ең жоғары ұпайды қазақстандықтар жеңіп алды.

Жүлде ретінде музыканттар ұйымдастырушылар есебінен мамыр айында Испанияда өтетін офлайн фестиваліне жолдама алды, сондай-ақ белгілі музыка сарапшыларымен жеке шеберлік сыныбына ие болды.

Белгілі болғандай, домбырашылар Қазақ ұлттық өнер университетінде оқып жүргенде танысып, 2017 жылы жеке дуэт құруға бел буған. Темірлан мен Ернат концерттік қызметін университет қабырғасында бастаған. Ректоры Айман Мұсақожаевамен бірге олар бүкіл Еуропаны аралаған.

Олар «I'm a Singer» байқауында Димаш Құдайбергеновпен бірге өнер көрсеткеннен кейін танымал болған. ҚР Мәдениет және спорт министрі Ақтоты Райымқұлова Токиодағы Олимпиадада Қазақстан мәдениетінің елшісі болып домбырашыларды тағайындады.

Темірлан Олжабай мен Ернат Наурыз бұған дейін «Үздік аспаптық дуэт» номинациясы бойынша «Bridge TV» жүлдесін жеңіп алған, «Golden Time Talent» халықаралық фестивалінде бірінші орынды жеңіп алған, сонымен қатар Испанияда өткен Costa Brava Music фестиваліне қатысқан.