Қазақстандықтар интернеттің қол жетімсіздігіне шағымданды

Қазақстандықтар интернеттің үзілгендігі туралы хабарлады: кейбір сайттарға кіру баяулады, қосылу жылдамдығы төмендеді.

Бұл туралы Orda.kz Tengrinews сайтына сілтеме жасап хабарлады.

Таңертеңнен бастап қазақстандықтар сапалы интернетке қол жеткізе алмай отыр. Шағым «Қазақтелеком», «Алтел», «Алма ТВ» қолданушыларынан түсе бастады.

Цифрлық даму, инновация және аэроғарыш өнеркәсібі министрлігінің баспасөз қызметі олар тарапынан ешқандай шектеулер болмағанын хабарлады.

– Ауа-райы жағдайына байланысты бөлек аймақтарда жөндеу жұмыстары болуы мүмкін. Бірақ Қазақстанда немесе қалаларда жаһандық ақаулар болмады. Әдетте, ауқымды ақаулар орын алған кезде, дереу оны тіркеуге аламыз. Егер бір жерде жартылай мәселелер туындаса, барлық абоненттер 165 нөмірі бойынша өтініштерін жібере алады, - деп хабарлады «Қазақтелекомның» call-орталығында.