Қазақстандықтар фишингтік сайттың құрбандарына айналуда

Қазақстандықтарға криптовалюта сатып алу ұсынылған сайт фишинг болып табылады, деп хабарлайды Stopfake.kz.

— Виртуалды валюталарды Bitcoin Profit фирмасы саудалайды. Ресейлік бұқаралық ақпарат құралдары бұл туралы компания клиенттерінің көптеген шағымдарынан кейін жазды. Павел Дуров «Bitcoin Profit» компаниясын мақтайды және оларды өз клиенттері болуға шақырады. Алайда бұл твит Дуровтың Twitter-дегі ресми аккаунтында жоқ, делінген хабарламада.

Павел Дуров туралы қазақстандықтар азғырылатын сайтта айтылмайды. Онда келушілерге биткоин бағасының өсуі және оны құру тарихы туралы әңгімелесетін теледидар жаңалықтарынан үзінді көрсетілген.

— Сіз сайтқа қосылудың қауіпсіз еместігіне назар аударғаныңыз жөн. Бұл - пайдаланушылар тіркеу алаңына енгізетін деректерге үшінші тұлғалар қол жеткізе алады деген сөз. Сайттағы тіркеу бөлігінде аты-жөнінізді, электрондық пошта мекен-жайыңызбен телефон нөміріңізді енгізу, артынша салым сомасын көрсету сұралады. Бұл фишинг белгілерінің бірі, делінген сайтта.

Фишинг - бұл интернет-алаяқтықтың бір түрі. Бұл киберқылмыскерлерге қолданушылар туралы жеке ақпараттарға, төлемдер мен басқа да мәлімет түрлеріне қол жеткізуге мүмкіндік береді.