Қазақстандықтар енді Pfizer вакцинасына қол жеткізе алады

ҚР Денсаулық сақтау министрі Алексей Цой Pfizer екпесін бірінші балалар мен жүкті әйелдер алатынын айтты. Артынша министрлік оның қазақстандықтарға қолжетімділігі мәселесін қарастырады.

Бұл туралы Orda.kz хабарлады.

- Pfizer вакцинасы бастапқыда 12 жастан асқан балаларға және жүкті әйелдерге бағытталады. Артынша басқа адамдарға да қолжетімділігін қарастырамыз. Бірінші кезеңде біздің міндет - балаларды вакциналаудың қолжетімділігін қамтамасыз ету, - деді Денсаулық сақтау министрі.

6 қазанда Денсаулық сақтау министрі Алексей Цой Pfizer вакцинасын жеткізу бойынша соңғы келісімшартқа қол қойылғанын хабарлады. 2021 жылдың төртінші тоқсанында препарат Қазақстанға әкелінеді.